Էլեկտրոնային կառավարման ենթակառուցվածքների ներդրման գրասենյակ

Էլեկտրոնային կառավարման ենթակառուցվածքների ներդրման գրասենյակ

Armenian Russian English
 Մենյու

Որոնման արդյունքները:

Հայտարարություն

ԷԿԵՆԳ-ը  հրավիրում է մասնագետների աշխատելու Համակարգչային միջադեպերի պետական կենտրոնում։ Աշխատանքի բնութագիրը՝ Ստացված միջադեպերի նախնական հավաքագրում, ուսումնասիրություն, գրանցում, արձագանք, հաշվառում   Ունակությունները / հմտությունները Թիմում աշխատելու ունակություն Վերլուծելու և արագ արձագանքելու ունակություն (հատկապես լարված իրավիճակներում) Պարտաճանաչ Գաղտնապահ Անընդհատ զարգանալու ձգտում Տրամաբանելու ունակություն   Գիտելիքը LINUX և Windows Server համակարգերի իմացություն Ցանցային...
Հայտարարություն

  Հարգելի քաղաքացիներ, Հաշվի առնելով Պարետի 2020 թվականի մարտի 27-ի N 19 որոշումը՝ ժամանակավորապես դադարեցվում է «ԷԿԵՆԳ» ՓԲԸ կողմից նույնականացման քարտ կարդացող սարքերի վաճառքը։ ՈՒստի, խնդրում ենք չայցելել «ԷԿԵՆԳ» ՓԲԸ գրասենյակ՝ ընթերցող սարք ձեռք բերելու համար։ Հայցում ենք Ձեր ներողամտությունը պատճառած հնարավոր անհարմարության համար։ Վաճառքի վերսկսման վերաբերյալ կտրամադրվի լրացուցիչ տեղեկատվություն։

Ի՞նչ է xID-ն

xID-ն բջջային հավելված է՝ սմարթֆոնի միջոցով նույնականացման գործիք, որը հնարավորություն է տալիս ստորագրել էլեկտրոնային փաստաթղթեր և առցանց նույնականանալ հարթակներում։  xID գործիքի միջոցով ստորագրված փաստաթղթերը նույն իրավական նշանակությունն ունեն, ինչ ձեռագիր ստորագրվածը։

Ինչպե՞ս կարող եմ ձեռք բերել

Անհրաժեշտ է սմարթֆոնում ունենալ հավելվածը, ներբեռնելու  համար սկանավորեք QR կոդը։   Գրանցվել կարող եք՝ Հավելվածում անձը հաստատող տվյալներ ներկայացնելու և կենդանության ստուգում անցնելու միջոցով, Օպերատորի գրասենյակ այցելելու միջոցով։   

Ինչպե՞ս գրանցվեմ հավելվածում, որո՞նք են քայլերը

Գրանցվելու համար կարող եք հավելվածում ներկայացնել Ձեր անձը հաստատող փաստաթղթի (անձնագիր, բիոմետրիկ անձնագիր, նույնականացման քարտ) տվյալները և անցնել կենդանության ստուգում։  Այս տարբերակի դեպքում կպահանջվի Սկանավորել փաստաթղթի MRZ կոդը կամ դրանք լրացնել ձեռքով։ Անհրաժեշտ է լրացնել ուշադիր, քանի որ տրամադրված տվյալները ստուգվելու են Ոստիկանության Բնակչության պետական ռեգիստրի տվյալների հետ անցնել կենդանության...
Որտե՞ղ է օպերատորի գրասենյակը և ե՞րբ կարող եմ այցելել՝ xID ակտիվացնելու համար

Համակարգի օպերատորի՝ “ԷԿԵՆԳ” ՓԲԸ գրասենյակը գտնվում է հետևյալ հասցեում՝ ՀՀ, ք. Երևան 0010, Տիգրան Մեծի 4, 5-րդ հարկ։ Այցելելու համար անհրաժեշտ է նախապես հերթագրվել Էլեկտրոնային հարցումների միասնական հարթակի միջոցով՝ https://e-request.am/hy/e-letter/queuing։ ՀԻՇԵՔ՝ xID-ն օպերատորի գրասենյակում ակտիվացնելու համար անհրաժեշտ է ներկայանալ անձը հաստատող վավեր փաստաթղթով, ինչպես նաև սմարթֆոնում ունենալ ներբեռնված հավելվածը։

Ինչքա՞ն է կազմում xID ծառայության վճարը

Էլեկտրոնային փաստաթղթերը ստորագրելու համար անհրաժեշտ է ակտիվացնել էլեկտրոնային ստորագրությունը։ Ծառայության տարեկան գումարը կազմում է 3000 դրամ։  xID հավելվածի կիրառման համար հավելյալ վճար չի գանձվում։ Այսպիսով Դուք՝ Անվճար կարող եք նույնականանալ հարթակներում Փաստաթղթեր ստորագրելու համար անհրաժեշտ է ակտիվացնել ստորագրությունը։ Ստացվում է՝ ստորագրությունն ակտիվացնելու դեպքում կարող եք ստորագրել և՛ xID, և՛ eID...
Անվտա՞նգ է xID-ն

Այո, xID-ն բարձր անվտանգություն ունեցող նույնականացման և էլեկտրոնային ստորագրության գործիք է։ Տեխնոլոգիայի հիմքում դրված են հետևյալ սկզբունքները՝ “Գիտես միայն դու”՝ PIN կոդերը, բացի Ձեզնից ոչ ոք չգիտի դրանք, “Տնօրինում ես միայն դու”՝ անհատական բանալու (private key) կտորը՝ հատվածը պահվում է Ձեր սմարթֆոնում, xID PIN կոդերը չեն պահպանվում սմարթֆոնում, հետևաբար նույնիսկ...
Ի՞նչ տվյալներ են հավաքագրվում հավելվածի կողմից և ինչպե՞ս են պաշտպանվում իմ անձնական տվյալներ

Համակարգի անձնական տվյալների պաշտպանության և գաղտնիության քաղաքականության մեջ սահմանված են տվյալների հավաքագրման, պահպանման և փոխանցման պայմանները։ Խնդրում ենք ուշադիր կարդալ քաղաքականությունը, ինչպես նաև հետևել դրանում կատարվող փոփոխություններին։ 

Ի՞նչ են PIN և PUK կոդերը

xID հավելվածում գրանցվելով՝ Դուք սահմանում եք երկու PIN կոդ՝ մեկը էլեկտրոնային ստորագրության համար, մյուսը՝ հարթակներում նույնականացման, PUK կոդ՝  PIN կոդերը փոխելու կամ վերականգնելու համար։ Անհրաժեշտ է սահմանել Ձեզ համար հեշտ հիշելի PIN կոդեր, որ անհրաժեշտություն չունենաք դրանք ինչ-որ տեղ գրելու։ Միաժամանակ, խուսափեք Ձեր (ընտանիքի անդամի) ծննդյան ամսաթիվը, կամ շատ պարզ...
Կորցրել եմ/գողացել են հեռախոսս, ի՞նչ պետք է անեմ, ինչպե՞ս կարող եմ ապակտիվացնել xID-ն

Ձեր անունից xID-ն կիրառելու համար անհրաժեշտ կլինի իմանալ նաև այն PIN կոդը, որը Դուք եք սահմանել և գիտեք միայն Դուք։  Այնուամենայնիվ, նման դեպքերում, երբ հեռախոսը կորցրել եք, անհրաժեշտ է անհապաղ դիմել հարթակի օպերատորին ապակտիվացման համար։ Նոր հեռախոսում xID ակտիվացման համար անհրաժեշտ կլինի նորից անցնել գրանցման գործընթացը։

xID-ի PIN/PUK կոդերը հայտնի են դարձել այլ մարդու, ինչպե՞ս կարող եմ փոխել դրանք

PIN կոդերը կարող եք փոխել PUK կոդի օգնությամբ։ Եթե այլ անձ գիտի նաև Ձեր PUK կոդը, ապա անհրաժեշտ է կատարել հետևյալ քայլերը՝ դիմել Օպերատորին՝ հաշիվն ապակտիվացնելու համար, որից գրանցվել՝ սահմանելով նոր PIN և PUK կոդեր։

Մոռացել եմ PIN/PUK կոդերը, ինչպե՞ս կարող եմ վերականգնել

PIN կոդերը կարող եք վերականգնել PUK կոդի օգնությամբ։ Եթե մոռացել եք նաև PUK կոդ, ապա պետք է դիմել Օպերատորին՝ ապակտիվացնելու հաշիվը, որից հետո անհրաժեշտ կլինի անցնել գրանցման գործընթացը նորից և սահմանել նոր PIN և PUK կոդեր։

Կարո՞ղ է օտարերկրյա քաղաքացին ձեռք բերել xID լուծում

Այո։ Օտարերկրյա քաղաքացին, ով ունի Հանրային ծառայությունների համարանիշ կարող է ձեռք բերել  xID։ Նախ՝ անհրաժեշտ է այցելել Օպերատորի գրասեյակ (այցը անհրաժեշտ է նախապես ամրագրել՝ https://e-request.am/hy/e-letter/queuing) և ներկայացնել անձը հաստատող վավեր փաստաթուղթ, որից հետո կարող եք ինքնուրույն անցնել գրանցման գործընթացը։

Ե՞րբ է անհրաժեշտ թարմացնել xID-ն, ո՞րն է դրա նպատակը և ինչպե՞ս կարող եմ անել

xID հավաստագրերը թողարկվում են երկու տարի ժամկետով։ Հաշվի առնելով, որ էլեկտրոնային ստորագրությունը իրավական առումով հավասարազոր է ձեռքով ստորագրվածին՝ անհրաժեշտ է համոզվել, որ այն անձը ով Ձեր անունից հանդես է գալիս հենց Դուք եք։  Դուք կստանաք ծանուցում այն մասին, որ շուտով կավարտվի Ձեր xID վավերականության ժամկետը։ Ժամկետը լրանալուց հետո Դուք այլևս...
«ԵսԵմ» ազգային նույնականացման հարթակ

«ԵսԵՄ» ազգային նույնականացման հարթակը միջոց է ցանկացած պետական հարթակ մեր կողմից մուտք գործելիս նույնականացվելու համար։ Այն ապահովում է մեր տվյալների անվտանգությունը։

Ի՞նչ է մեզ անհրաժեշտ «ԵսԵմ» ազգային նույնականացման հարթակից օգտվելու համար.

 «ԵսԵմ» ազգային նույնականացման հարթակից օգտվելու համար անհրաժեշտ է. Չիպ պարունակող նույնականացման քարտ բջջային նույնականացման SIM քարտ (eSIM բջջային հեռախոսների համար կիրառելի չէ)։ Ի դեպ՝ Չիպ պարունակող նույնականացման քարտը (հավաստագրերը) անհրաժեշտ է ակտիվացնել PIN և PUK ծածկագրերով (https://ekeng.am/hy/pin_code_activation) բջջային նույնականացման SIM քարտի (mID) ակտիվացումը (հավաստագրերի գեներացումը) կատարվում է բջջային օպերատորի գրասենյակում...
Ծածկագրերի մասին

չիպ պարունակող նույնականացման քարտի դեպքում դա PIN և PUK ծածկագրերն են, որոնք տրամադրվում են քարտի հետ թղթային տարբերակով. բջջային նույնականացման SIM քարտի դեպքում՝ 6-անիշ ծածկագիրն է, որը գեներացնում ենք բջջային օպերատորի գրասենյակում mID ակտիվացնելիս։

Ովքե՞ր կարող են օգտվել «ԵսԵմ» ազգային նույնականացման հարթակից

«ԵսԵմ» ազգային նույնականացման հարթակից կարող են օգտվել միայն ՀՀ քաղաքացիները, ովքեր ունեն՝ չիպ պարունակող նույնականացման քարտ, բջջային նույնականացման SIM քարտ (eSIM բջջային հեռախոսների համար կիրառելի չէ)։

Որո՞նք են «ԵսԵմ» բջջային նույնականացման SIM քարտ ստանալու քայլերը

Անհրաժեշտ է բացառապես ֆիզիկական քարտ (չիպ) պարունակող բջջային հեռախոսով և նույնականացման քարտով (չիպ պարունակող կամ առանց դրա) մոտենալ բջջային կապի օպերատորի ցանկացած գրասենյակ, որտեղ Ձեզ կտրամադրվի «ԵսԵմ» բջջային նույնականացման SIM քարտ։ ԿԱՐԵՎՈՐ՝ Բջջային նույնականացման SIM քարտ ստանալիս պետք է ապահովել հետևյալ պահանջները. նույնականացման քարտ (չիպով կամ առանց չիպի), ֆիզիկական քարտ...
Որքա՞ն է անհրաժեշտ վճարել բջջային նույնականացման SIM քարտ ստանալու համար

«ԵսԵՄ» բջջային նույնականացման SIM քարտ ստանալու պայմանները և արժեքները անհրաժեշտ է ճշտել համապատասխան բջջային օպերատորից։

Հնարավոր է արդյոք ձեռքբերել «ԵսԵմ» բջջային նույնականացման SIM քարտ բոլոր տիպի  բջջային  հեռախոսների համար։

eSIM բջջային հեռախոսների համար այս ծառայությունը  կիրառելի չէ։

Հնարավոր է արդյոք ստանալ «ԵսԵմ» բջջային նույնականացման SIM քարտ այլ անձի հեռախոսահամարով

«ԵսԵմ» բջջային նույնականացման SIM քարտ ստանալու համար հեռախոսահամարը պետք է գրանցված լինի տվյալ քաղաքացու անունով։ Հեռախոսահամարի անվանափոխման հարցերով անհրաժեշտ է խորհրդակցել բջջային օպերատորի հետ։

Արդյո՞ք սովորական (պլաստիկ) նույնականացման քարտի PIN և PUK ծածկագրերն անհրաժեշտ են բջջային նույնականացման SIM քարտ ստանալիս

Բջջային նույնականացման SIM քարտ ստանալիս չիպ պարունակող նույնականացման քարտի ծածկագրերն անհրաժեշտ չեն։

Ի՞նչպես ձեռքբերել նույնականացման քարտ

(հիշիր՝ չիպ ունեն միայն մինչև 2023 թվականի փետրվարի 15-ը տրամադրված նույնականացման քարտերը), Նույնականացման քարտ ձեռքբերելու համար պետք է դիմենք Միգրացիոն ծառայության տարածքային անձնագրային գրասենյակ՝ նախապես գրանցվելով հետևյալ կայքում https://migration.e-gov.am/hy։

Ի՞նչ է անհրաժեշտ «ԵսԵՄ» ազգային նույնականացման հարթակից չիպ պարունակող նույնականացման քարտով օգտվելու համար

Windows օպերացիոն համակարգով գործող համակարգիչ, չիպ պարունակող նույնականացման քարտ (հիշիր՝ չիպ ունեն միայն մինչև 2023 թվականի փետրվարի 15-ը տրամադրված նույնականացման քարտերը), PIN և PUK ծածկագրեր (տրամադրվել են չիպ պարունակող նույնականացման քարտը ստանալիս (մինչև 2023 թվականի փետրվարի 15-ը)) նույնականացման քարտն ընթերցող սարք Այն հնարավոր է ձեռքբերել «ԷԿԵՆԳ» ՓԲԸ-ից, ինչպես նաև առցանց...
Ի՞նչ է թվային էլեկտրոնային ստորագրությունը

Թվային էլեկտրոնային  ստորագրությունը էլեկտրոնային փաստաթղթի իսկության, ամբողջականության և վավերականության հավաստիացումն է։

Ինչպե՞ս ակտիվացնել թվային էլեկտրոնային ստորագրությունը

Էլեկտրոնային թվային ստորագրությունն ակտիվացնելու համար անհրաժեշտ է ծանոթանալ https://ekeng.am/hy/e_sign կայքում ներկայացված պայմաններին, մասնավորապես հրապարակային պայմանագրին, ապա կատարել վճարում 3000 ՀՀ դրամի չափով https://ekeng.am/hy/payments կայքում ներկայացված ցանկացած վճարային մեխանիզմով։  

Ինչպես կարող է ոչ ռեզիդենտը ստանա էլեկտրոնային թվային ստորագրություն

ՀԾՀ-ի (հանրային ծառայությունների համարանիշ) վերաբերյալ տեղեկանք ունենալու դեպքում ոչ ռեզիդենտը պետք է support@ekeng.am էլ․փոստի հասցեին ուղարկի կամ www.ekeng.am/hy/e_sign կայքով ներկայացնի իր կացության քարտի կամ անձնագրի տվյալները, ՀԾՀ-ի վերաբերյալ տեղեկանքը և ծառայության համար կատարված վճարումը հավաստող անդորրագիրը։ ՀԾՀ-ի վերաբերյալ տեղեկանք չունենալու դեպքում ոչ ռեզիդենտը պետք է դիմի ՊԵԿ-ի՝ հարկ վճարողների սպասարկման...
Ինչպե՞ս պետք է հայտարարագիր ներկայացնեն ՀՀ քաղաքացիները

ՀՀ քաղաքացիները «Ֆիզիկական անձանց էլեկտրոնային ծառայությունների միասնական համակարգ» մուտք են գործում և հայտարարագիր են ներկայացնում «ԵսԵմ» ազգային նույնականացման հարթակի միջոցով։ Հիշի՛ր՝ ակտիվ էլեկտրոնային թվային ստորագրությունը ՊԱՐՏԱԴԻՐ է։ Ինչպե՞ս պետք է հայտարարագիր ներկայացնեն ՀՀ քաղաքացիները Անհրաժեշտ է մուտք գործել «Ֆիզիկական անձանց էլեկտրոնային ծառայությունների միասնական համակարգ» Տալ համաձայնություն «Օգտագործողի համաձայնագրին և տվյալների...
Ինչպե՞ս պետք է հայտարարագիր ներկայացնեն ՀՀ-ում չգտնվող ոչ ռեզիդենտները

Ոչ ռեզիդենտը «Ֆիզիկական անձանց էլեկտրոնային ծառայությունների միասնական համակարգ» մուտք գործելու համար պետք է ունենա ՀՎՀՀ (Հարկ վճարողի հաշվառման համար), օգտվողի անուն, գաղտնաբառ։ Այս տվյալները ստանալու համար անհրաժեշտ է այցելել «Հաշվետվությունների ներկայացման էլեկտրոնային համակարգ» և ներկայացնել հայտ կամ դիմել ՊԵԿ-ի՝ հարկ վճարողների սպասարկման բաժիններ։

Ի՞նչ է պաշտոնական էլեկտրոնային փոստը

  Պաշտոնական էլեկտրոնային փոստը համարվում է հաղորդակցության պաշտոնական միջոց, որը շնորհվում և հաղորդագրություններ ստանալու նպատակով օգտագործվում է անվճար: ՀՀ օրենսդրության համաձայն անձը համարվում է պատշաճ ծանուցված նաև այն դեպքում, երբ տեղեկատվությունն ուղարկվել է նրա պաշտոնական էլեկտրոնային փոստի հասցեով, և առկա է այն կարդալու մասին էլեկտրոնային հավաստում: Հայաստանի Հանրապետության նույնականացման քարտի...
Ի՞նչ է իրավաբանական անձի ծածկագիրը (կոդը)

Իրավաբանական անձի ծածկագիրը (կոդը) 8 նիշանոց թիվ է և ամրագրված է իրավաբանական անձի պետական գրանցման վկայականում: Այն կարելի է գտնել նաև www.e-register.am կայքում որոնում կատարելու միջոցով:

Ինչպե՞ս միանալ պաշտոնական էլեկտրոնային փոստ համակարգին

Պաշտոնական էլեկտրոնային փոստ համակարգին միանալու համար անհրաժեշտ է ունենալ նույնականացման քարտ, նույնականցման քարտ կարդացող սարք:Համակարգին միանալու համար սեղմել հետևյալ հղումը` https://e-citizen.am/
Ինչպե՞ս ծանոթանալ ՊԷՓ-ին հաղորդագրություններ ուղարկելու պայմանագրի կնքման համար անհրաժեշտ փաստաթղթերին

Պաշտոնական էլեկտրոնային փոստին հաղորդագրություններ ուղարկելու պայմանագրի կնքման համար անհրաժեշտ փաստաթղթերի ցանկին կարող եք ծանոթանալ այստեղ:

Ինչու՞ եմ ստանում "Մուտքի ձախողում" հաղորդագրությունը ՊԷՓ` https://e-citizen.am համակարգ մուտք գործելիս

ՊԷՓ` https://e-citizen.am կայք ցանկալի է մուտք գործել Google Chrome բրաուզերով, և վերոնշյալ հաղորդագրությունը ստանալիս անհրաժեշտ է`   Համոզվել, որ CryptoCard Suite Manager ծրագիրը տեղադրված է համակարգչում և աշխատանքային սեղանի աջ անկյունում առկա է CCMonitor-ի նշանը:    Համոզվել, որ CryptoCard Suite Manager ծրագիրը տեղադրված է համակարգչում և աշխատանքային սեղանի աջ անկյունում առկա է CCMonitor-ի...
Ինչպե՞ս ծանոթանալ ՊԷՓ համակարգի ադմինիստրատորի ուղեցույցին

ՊԷՓ համակարգի ադմինիստրատորի ուղեցույցին ծանոթանալու համար սեղմե՛ք այստեղ:

Ի՞նչ է էլեկտրոնային թվային ստորագրությունը

Էլեկտրոնային թվային ստորագրությունը էլեկտրոնային պայմանանշանների եզակի հաջորդականություն է, որը կցված է էլեկտրոնային փաստաթղթին և օգտագործվում է ստորագրող անձին նույնականացնելու, ինչպես նաև էլեկտրոնային փաստաթուղթը կեղծիքներից ու աղավաղումներից պաշտպանելու համար:

Որտե՞ղ է կիրառվում էլեկտրոնային ստորագրությունը

Էլեկտրոնային ստորագրությունը կիրառվում է էլեկտրոնային հաշվետվություններ հանձնելիս, ինչպես նաև ցանկացած փաստաթղթաշրջանառության ժամանակ:
Ինչպե՞ս կարելի է ստանալ էլեկտրոնային թվային ստորագրություն, եթե ՀՀ քաղաքացի չեմ

Էլեկտրոնային թվային ստորագրություն ստանալու համար այլ երկրների քաղաքացիները պետք է զանգահարեն +374 60 464 504 հեռախոսահամարով կամ support@ekeng.am էլ. հասցեին ուղարկեն իրենց անձնագրի և հանրային ծառայության համարանիշի (սոց. քարտ) սկանավորված տարբերակները

Ինչպե՞ս է կարգավորվում էլեկտրոնային ստորագրությունը ՀՀ-ում

2004 թվականի դեկտեմբերի 14-ին ընդունված «Էլեկտրոնային փաստաթղթի և էլեկտրոնային թվային ստորագրության մասին» ՀՀ օրենքը կարգավորում է էլեկտրոնային փաստաթղթերի և էլեկտրոնային թվային ստորագրությունների կիրառման ընթացքում ծագող հարաբերությունները: Օրենքը չի կարգավորում անձի ձեռագիր ստորագրության էլեկտրոնային փոխակերպումների և նմանօրինակների, ինչպես նաև դրանց միջոցով ստորագրված փաստաթղթերի օգտագործման հետ կապված հարաբերությունները:

Ֆիզիկական անձը կարո՞ղ է իր էլեկտրոնային թվային ստորագրությունն օգտագործել տարբեր ընկերությունների փաստաթղթերի համար

Էլեկտրոնային թվային ստորագրություն ձեռք բերած ֆիզիկական անձը կարող է այն կիրառել մի քանի ընկերություններում` կնքելով համապատասխան պայմանագրեր հարկային և այլ ծառայությունների հետ:

Հնարավո՞ր է փոփոխել փաստաթուղթը ստորագրությունը տեղադրելուց հետո

Փաստաթուղթը հնարավոր չէ ենթարկել փոփոխության, քանի որ ստորագրությունը կհամարվի անվավեր:
Ի՞նչ պահանջների պետք է համապատասխանի նույնականացման քարտ կարդացող սարքը

1. Սարքը պետք է ունենա արագագործ USB միացում. 2. սարքը պետք է համապատասխանի ISO 7816 ստանդարտին. 3. սարքը պետք է ապահովի T=0, T=1 պրոտոկոլների համապատասխանությունը. 4. սարքը պետք է ապահովի նույնականացման քարտի ID-1 չափի համապատասխանությունը:

Որո՞նք են նույնականացման քարտ կարդացող սարքի մոդելները

1. SCR 3310/3310 v2.0 smart card reader 2. Actividdentity USB reader v3.0 3. Athena ASEDrive IIIe USB reader 4. Omnikey 3021 USB reader

Ի՞նչ ծրագրերի և օպերացիոն համակարգերի հետ են համատեղելի CryptoCard Suite Manager և JSignPDF ծրագրերը

CryptoCard Suite Manager և JSignPDF ծրագրերը համատեղելի են հետևյալ ծրագրերի և օպերացիոն համակարգերի հետ.             Windows Vista            Windows 7, Windows 8            MS Office  2007 / 2010 / 2013            Adobe Acrobat, Adobe Reader
Ինչպե՞ս ապահովել նույնականացման քարտի ակտիվացումը

PIN կոդի ակտիվացման ժամանակ 3 անգամ սխալի մասին հաղորդագրություն ստանալուց հետո քարտի հավաստագիրը համարվում է անվավեր և անհրաժեշտ է նոր նույնականացման քարտ ձեռք բերել` դիմելով ՀՀ ոստիկանության անձնագրային և վիզաների վարչություն: Ակտիվացումից հետո այլ դեպքերում PUK կոդը 9 անգամ սխալ մուտքագրելու դեպքում այն արգելափակվում է և անհրաժեշտ է ձեռք բերել նոր նույնականացման քարտ:

Ինչու՞ են հավաստագրերի նշանները բացակայում Cryptotech Suite Manager ծրագրում

Եթե Cryptotech Suite Manager ծրագրում բացակայում են հավաստագրերի մանուշակագույն նշանները, ապա անհրաժեշտ է Cryptotech Suite Manager ծրագիրը կրկին տեղադրել (ցանկալի է այն նախապես ջնջել, համակարգիչը վերագործարկել (restart), այնուհետև տեղադրել):Ծրագիրը տեղադրելուց հետո համոզվե՛ք, որ հավաստագրերի նշաններն առկա են.
Ինչու՞ եմ MS Office 2010 փաստաթուղթ ստորագրելիս ստանում «Your Signature could not be added to the document» հաղորդագրությունը

Եթե MS Office 2010 փաստաթուղթ ստորագրելիս ստանում եք վերոնշյալ հաղորդագրությունը, ապա անհրաժեշտ է կատարել հետևյալ քայլերը. Start -> Programs -> Microsoft Office -> մկնիկի աջ սեղմակով սեղմել Microsoft Office Word 2010 -ի վրա, սեղմել Properties և նշել Compatibilty: Նշել Run հատվածը (checkbox) և ընտրել Windows XP (Service Pack 3), որից հետո սեղմել OK:
Ինչու՞ եմ ստանում Validation Error հաղորդագրությունը MS Office ֆայլեր ստորագրելիս

MS Office ֆայլեր ստորագրելուց հետո Validation Error հաղորդագրություն ստանալու դեպքում անհրաժեշտ է բեռնել հանրային հավաստագրերը և տեղադրել համակարգչում:
Ինչո՞ւ եմ ստանում սխալի հաղորդագրություն MS Office ծրագրերում էլ.ստորագրության ծառայության ակտիվացումից հետո

Էլ.ստորագրության ծառայության ակտիվացումից հետո, եթե կասեցված հավաստագրով նախապես իրականացրել եք ստորագրման փորձեր, հնարավոր է, որ Ձեր համակարգչի հիշողության (cache) մեջ պահպանված լինի հավաստագրի հին կարգավիճակը, որի հետևանքով Microsoft Office ծրագրերում էլ. ստորագրություն  կիրառելիս չցուցադրվի հավաստագիրը կամ  ստացվեն «select another certificate» և նմանատիպ այլ հաղորդագրություններ։ Սովորաբար համակարգչի cache-ը թարմացվում է 24...
Ինչպես եմ ստուգում ստորագրության ժամը Word կամ Excel փաստաթղթում

MS Word / Excel ֆայլեր ստորագրելիս ստորագրության օրվա, ժամի և այլ մանրամասն տվյալների արտացոլման նպատակով անհրաժեշտ է ֆայլի աջ հատվածում՝ ստորագրությունների սյունակում մկնիկի աջ սեղմակով սեղմել ստորագրության վրա և ընտրել Signature Details տարբերակը։ Բացված պատուհանում ընտրում ենք See the additional signing information… տարբերակը։
Ինչպես ստորագրել Word փաստաթուղթը յուրաքանչյուր էջում

Word փաստաթղթի յուրաքանչյուր էջում ստորագրություն տեղադրելու համար անհրաժեշտ է բոլոր էջերում նախապես ներմուծել՝  Insert  մենյու->  Signature Line -> Microsoft Office Signature Line -> Signature Setup պատուհանը և  սեղմել OK:  Յուրաքանչյուր էջում առաջացած  X______   տողերի վրա  մկնիկի ձախ սեղմակով ընտրել Sign -> OK -> ներմուծել  անուն, ազգանուն կամ  սեղմել Select Image՝...
Ինչու՞ չի բեռնվում հավաստագիրը` Load Keys կոճակը սեղմելիս

Եթե նույնականացման քարտը տեղադրելուց հետո JSignPdf ծրագրում Load Keys կոճակը սեղմելիս հավաստագիրը չի բեռնվում, ապա խորհուրդ է տրվում Keystore type տողում WINDOWS-MY փոխել WINDOWS ROOT -ի, սեղմել Load Keys, անտեսել ստացվող հաղորդագրությունը, այնուհետև կրկին ընտրել WINDOWS-MY և կրկին սեղմել Load Keys: Ուշադրություն. անհրաժեշտ է ստուգել նաև համակարգչի ժամը և ամսաթիվը:

Ինչպե՞ս ստորագրել MS Word փաստաթուղթը 2 անձանց կողմից

MS Word փաստաթուղթը 2 կամ ավելի  անձանց կողմից ստորագրելու համար անհրաժեշտ է քարտ կարդացող սարքից հանել տվյալ նույնականացման քարտը և տեղադրել 2-րդ քարտը,  սպասել հավաստագրի բեռնմանը՝ կատարելով նույն քայլերը` ներմուծել file®protect document®add a digital signature….. և ստորագրել՝ երկրորդ քարտով ստորագրելիս "Sign" պատուհանում նախապես սեղմելով "change" կոճակը և ընտրելով տվյալ անձի...
Ինչպես տեղադրել 2 գրաֆիկական ստորագրություն Word փաստաթղթում

MS Word փաստաթղթում 2 անձանց գրաֆիկական ստորագրությունը տեղադրելու համար անհրաժեշտ է նախապես կողք կողքի (կամ այն մասում, ուր անհրաժեշտ է) ներմուծել՝ Insert  մենյու->  Signature Line -> Microsoft Office Signature Line -> Signature Setup պատուհանը և սեղմել OK:  Առաջին  X______   տողի վրա ստորագրել առաջին  ստորագրությամբ (մկնիկի ձախ սեղմակով ընտրել Sign ->...
Ինչպե՞ս կարող են 2 կամ ավել անձինք ստորագրել PDF փաստաթուղթը

Միևնույն փաստաթուղթը 2 կամ ավել անձանց կողմից ստորագրելու համար անհրաժեշտ է քարտ կարդացող սարքից հանել տվյալ նույնականացման քարտը, տեղադրել հաջորդ քարտը և JSignPdf ծրագրում սեղմել Load Keys կոճակը: Անհրաժեշտության դեպքում ընտրել տվյալ ստորագրող անձի հավաստագիրը Key alias տողի բացվող ցանկից: Input PDF file տողում սեղմել Browse կոճակը և ընտրել արդեն ստորագրված “_signed” վերջածանցով ֆայլը: Ուշադրություն. անհրաժեշտ է նշել Append Signature to existing one հատվածը,...
Ինչպե՞ս փոփոխել էլեկտրոնային ստորագրության տեղը և տեսքը PDF ֆայլերում

PDF ֆայլերում էլեկտրոնային ստորագրության դիրքը և չափերը փոփոխելու համար անհրաժեշտ է ակտիվացնել Visible Signature հատվածը և սեղմել Settings կոճակը: Բացված Visible Signature Settings պատուհանում սեղմելով Preview and Select կոճակի վրա` մկնիկի ձախ սեղմակով անհրաժեշտ է նշել ստորագրության չափը և տեղը էջի վրա: Ստորագրության տեսքը փոփոխելու համար Visible Signature Settings պատուհանում Display տողում անհրաժեշտ է նշել առաջարկվող տարբերակներից որևէ մեկը:

Ինչու՞ եմ ստանում «Signature 1» հաղորդագրությունը` ստորագրված հաշվետվությունը հարկային համակարգ բեռնելիս

Խնդիրը պայմանավորված է ստորև նշված պատճառներից որևէ մեկով՝ 1. ստորագրությունն ակտիվ չէ, քանի որ սպասարկման վճարը չի կատարվել, 2. ձեռք եք բերել երկրորդ նույնականացման քարտը, որի վերագրանցման համար անհրաժեշտ է դիմել ԷԿԵՆԳ ընկերությանը, 3. եթե ստորագրությունն ակտիվ է, սակայն հաշվետվությունը չի բեռնվում, անհրաժեշտ է բեռնումն իրականացնել տարբեր բրաուզերներով (Google Chrome, Mozilla...
Ինչպես ներառել հավաստագիրը Adobe ծրագրի վստահված հավաստագրերի ցուցակում

Էլեկտրոնային թվային ստորագրությամբ ստորագրված ֆայլերը Adobe Acrobat Reader ծրագրի միջոցով վավերականացնելու համար անհրաժեշտ է բացել փաստաթուղթը, ընտրել Edit-> Preferences_ Categories -ից նշել Signatures -> Verification -> սեղմել More և բացված պատուհանում նշել Validating Signatures և Validating Certified Documents-> OKՆախապայման։ Համակարգչում պետք է տեղադրված լինեն հանրային հավաստագրերը։ https://www.ekeng.am/uploads/files/Certificate.exe  

Ինչպես ստուգել էլ.ստորագրությունը PDF և MS Word փաստաթղթերում

PDF փաստաթղթերում էլ. թվային ստորագրությունը ստուգելու համար էջի վերին աջ հատվածում սեղմել Signature Panel կոճակը և փաստաթղթի ձախ մասից մկնիկի աջ սեղմակով սեղմել ստորագրության վրա -> Show Signature Properties ->Show Signer’s Certificate: Բացված պատուհանում կարելի է տեսնել էլ. թվային ստորագրության մանրամասները: MS Word փաստաթղթում էլ.ստորագրության ստուգման քայլերին կարող եք ծանոթանալ ՈՒՂԵՑՈՒՅՑ - ում:

Ինչու եմ ստանում Recoverable Error MS Office փաստաթղթերում

MS Office փաստաթղթերի ստորագրումից հետո առաջացած Recoverable Error հաղորդագրությունը հեռացնելու նպատակով  անհրաժեշտ է տեղադրել հանրային հավաստագրերը: Վերոնշյալ լուծումն արդյունավետ չէ միայն MS Office 2016 տարբերակի դեպքում: Այս պարագայում հավաստագրերն անհրաժեշտ է ներառել  ոչ թե Trusted Root Certification Authorities  այլ Trusted People  թղթապանակում: Քայլերն են՝ Crypto Card Monitor ծրագրում կրկնակի սեղմել ARMID (AuthPIN) տողը, այնուհետև՝ Certificate: X.509 հավաստագիրը, բացված պատուհանում  նշել  Install -> Next -> Place all...
© 2009 - 2026  logo