Ստորագրել PDF ֆայլը Adobe Reader ծրագրով  

Տես նաև տեսաուղեցույցը

Adobe Acrobat Reader DC ծրագրի տարբերակը կարող եք ներբեռնել www.ekeng.am կայքից՝ rar տիպի արխիվացված ֆայլի տեսքով։

Ներբեռնելուց հետո այն պետք է արտագրել ցանկացած թղթապանակի (folder) մեջ, ապաարխիվացնել և գործարկել SETUP.BAT ծրագիրը։ 

Մեր կայքից բեռնված Adobe Acrobat Reader DC ծրագիրն իր բոլոր անհրաժեշտ կարգավորումներով կտեղակայվի ինքնուրույն։ 

PDF  ֆայլերը  Adobe  Reader DC տարբերակով   ստորագրելու համար անհրաժեշտ է․

• Բացել ֆայլը և ընտրել Tools կոճակը
• Բացված ենթամենյուից ընտրել Certificates -> Digitally Sign
• Տվյալ կոճակը սեղմելուց հետո բացվում է պատուհան, որտեղ անհրաժեշտ է նշել OK հրամանը
• Փաստաթղթի վրա մկնիկով ընտրել այն տեղը, որտեղ անհրաժեշտ է տեղադրել ստորագրությունը

Էկրանին հայտնվում է էլեկտրոնային ստորագրության հավաստագրի պատուհանը, ընտրել հավաստագիրը և սեղմել Sign կոճակը:

Գործողությունն ավարտին հասցնելու համար անհրաժեշտ է պահպանել փաստաթուղթը և հավաքել PIN կոդը Crypto Tech CSP ծրագրի պատուհանում:

Ուշադրություն`
Եթե ցանկացնում եք, որ Ձեր էլեկտրոնային ստորագրությամբ ստորագրված փաստաթղթում լինի նաև ստորագրության տեսանելի արտապատկերը, ապա դա կարող եք կատարել՝ օգտագործելով Adobe Acrobat Reader DC ծրագրի Appearance հնարավորությունները։

Ճիշտ կատարված կարգաբերումների դեպքում՝ էլեկտրոնային ստորագրությամբ ստորագրված ցանկացած PDF ֆայլ բացելիս ծրագիրը ստուգում է ստորագրված փաստաթղթի վավերականությունը։ Ստուգումը կատարվում է ինտերնետի միջոցով հավաստագրման կենտրոն ավտոմատ հարցում կատարելու եղանակով: 

Եթե ստորագրությունը վավեր է, այն կունենա հետևյալ պատկերը՝ 

Եթե ստորագրությունը վավեր չէ, ապա այն կունենա հետևյալ պատկերը՝