Ինչպես ձեռք բերել էլեկտրոնային թվային ստորագրություն (eID,mID)

Նույնականացման քարտի (eID) էլ․ թվային ստորագրության ակտիվացման համար անհրաժեշտ է՝

•  Նույնականացման քարտ  (PIN և PUK ծածկագրերով)
•  Նույնականացման քարտ ընթերցող սարք
• www.ekeng.am կայքից տեղադրել անհրաժեշտ ծրագրերը
• Ակտիվացնել նույնականացման քարտի PIN և PUK կոդերը
• Կատարել տարեկան սպասարկման վճարը
• Գրանցվել ԷԿԵՆԳ ՓԲԸ-ի Անձնական էջում
• Կիրառել էլ. թվային ստորագրությունը ՊԵԿ և մի շարք այլ էլեկտրոնային համակարգերում

Ուշադրություն։ Եթե ստացել եք նույնականացման քարտը մինչև 15.02.2023թ. և չեք պահպանել PIN/PUK ծածկագրերով ծրարը, ապա կարող եք ակտիվացնել Բջջային նույնականացման քարտի (mID) էլ․ թվային ստորագրությունը։

Բջջային նույնականացման քարտի (mID) էլ․ թվային ստորագրության ակտիվացման համար անհրաժեշտ է՝

•  Ձեռք բերել նույնականացման քարտ անձնագրային տեսչությունից 

•  Մոտենալ նախընտրած բջջային օպերատորին նույնականացման քարտով

•  Բջջային օպերատորի կողմից ստանալ կամ վերջինիս օգնությամբ ստեղծել PIN կոդ։ PIN կոդը պետք է բաղկացած լինի 6 նիշից

•  Կատարել տարեկան սպասարկման վճարը

•  Գրանցվել ԷԿԵՆԳ ՓԲԸ-ի Անձնական էջում

• Կիրառել էլ. թվային ստորագրությունը ՊԵԿ և մի շարք այլ էլեկտրոնային համակարգերում

Էլ․ թվային ստորագրության ARX Cosign ծառայություն

Ծառայությունը տրամադրվում է բացառապես օտարերկրյա քաղաքացիներին, ովքեր կարող են դիմել  ԷԿԵՆԳ ընկերություն՝  cosign@ekeng.am  էլ. փոստին ներկայացնելով իրենց փաստաթղթերը:
Էլեկտրոնային թվային ստորագրության հավաստագիրը և ստորագրության սպասարկման ծառայությունը տրամադրվում է 3 տարի ժամկետով՝ գումարը կազմում է 30.000 ՀՀ դրամ:

Անհրաժեշտ փաստաթղթեր`

• Կացության քարտ
• Հանրային ծառայության համարանիշի տեղեկանք
• Վճարման անդորրագիր