Ստորագրել Word փաստաթուղթը անտեսանելի

(առանց գրաֆիկական պատկերի)

էլեկտրոնային թվային ստորագրությամբ

Տես նաև տեսաուղեցույցը

Այս մեթոդով ստորագրված փաստաթուղթը չի պարունակելու ստորագրողի գրաֆիկական ստորագրության պատկերը, այնուամենայնիվ, համարվելու է պատշաճ ստորագրված փաստաթուղթ:

Ստորագրելու համար անհրաժեշտ է ունենալ.

• Նույնականացման քարտ
• Ակտիվ էլեկտրոնային թվային ստորագրության հավաստագիր (ինչպես ակտիվացնել)
• Նույնականացման քարտ կարդացող սարք (ինչպես ձեռք բերել)
• Microsoft Word և CryptoCard Monitor ծրագրերը (ինչպես տեղադրել)

Գործողությունների կրճատ նկարագրություն.

• Microsoft Word - File->Info->Protect Document->Add a Digital Signature
• CryptoCard Monitor – Enter PIN->OK

Գործողությունների մանրամասն նկարագրություն.

Նախքան ստորագրելը
Եթե Ձեր համակարգչում տեղադրված չէ CryptoCard Monitor ծրագիրը, ապա տեղադրեք այն: Ծրագրերի տեղադրման մանրամասներին կարող եք ծանոթանալ այս ուղեցույցում։

Եթե Ձեր էլեկտրոնային թվային ստորագրության հավաստագիրն ակտիվ չէ, ապա պետք է այն ակտիվացնել: Ակտիվացման մանրամասներին կարող եք ծանոթանալ այս ուղեցույցում։

Տեղադրեք Ձեր նույնականացման քարտը քարտ կարդացող սարքի մեջ և սպասեք մինչ Ձեր հավաստագրերի տեղադրման մասին հայտարարությունը կհայտնվի էկրանի ներքևի աջ անկյունում:

Քայլ 1.  Սեղմել File կոճակը։

Քայլ 2.  Սեղմել Info կոճակը։

Քայլ 3.  Սեղմել Protect Document կոճակը։

Քայլ 4.  Սեղմել Add a Digital Signature կոճակը։

Եթե փաստաթուղթը պահպանված չէ, ապա մինչ հաջորդ քայլին անցնելը Word խմբագիրը կառաջարկի պահպանել փաստաթուղթը:

Քայլ 5.  Սեղմել Sign կոճակը։

Քայլ 6.  Մուտքագրեք Ձեր էլեկտրոնային թվային ստորագրության PIN կոդը կարմիր դաշտում։

Վերջին քայլ.  Սեղմեք OK կոճակը։

Ուշադրություն`
Ստորագրված ֆայլի խմբագրման ցանկացած փորձ կհեռացնի էլեկտրոնային թվային ստորագրությունը, և անհրաժեշտ կլինի այն նորից ստորագրելու։
Եթե չեք հիշում Ձեր էլեկտրոնային թվային ստորագրության PIN կոդը, ապա այն պետք է վերականգնել Ոստիկանության կողմից Ձեզ տրված PUK կոդի միջոցով, եթե չունեք PUK կոդը, ապա պետք է դիմեք Ոստիկանություն՝ նոր նույնականացման քարտ ստանալու հայտով: PIN կոդի վերականգնման և փոփոխման մանրամասներին կարող եք գտնել այս ուղեցույցում։